貧而無怨難，富而無驕易

首先本句既意思應該係”能夠做到富而無驕，當然已經不錯了，不過這還算是容易的；要能做到貧而無怨，那才算真是難呢！”

人生存總係希望世間上搵到樣野係證明自己存在過既，所以秦始皇先會起長城，法老王先會起金字塔。只要一個人擁有左財富，佢就唔再算係一無所有，已經毋需怨；換句話說，佢地既無驕係因為佢地擁有，但當再次失去所有野既時候，難免又會怨，所以呀，富而無驕比起貧而無怨已經係好容易，但富而無驕需要依賴外在既野去支持，所以並唔可以話係得道。

名利始終並非可以由我地一手掌握，上年係上海首富，誰不知今年就已經入獄。一生無常，一個君子必須要用內心既德行去支撐自己，只有德行先係完完全全咁掌握係自己手中。君子既著眼點係實在既道德修行而非虛無既名利，故顏回先可以”一簞食，一瓢飲”而”不改其樂”