求仁而得仁，又何怨？

義與利，有時兩者可共得，有時卻兩者不可兼得。

當義與利有所衝突時，我地好容易會比名利所迷惑，到底要義，定係利呢？要選擇義已經難，當想到要放棄利既時候，就更加難。孔子昸學生有人一次肫子相關既問題，而孔子就講左

求仁而得仁，又何怨？

名利機會，雖然只係空洞而無意義，但錯過左一次可以得到既機會既時候，就好容易會覺得心有不甘，即係古人所講既怨。孔子唔係唔看重利，但認為當利益與義必有一失既時候，係應該選擇義，原因並唔係因為孔子係老好人，而係因為人對道德既追求，係自證自存既，係不假外求既。咁即係咩呢？即係好似你係旺角坐巴士去天水圍咁，係等陣車既時候，你見到原來去沙田既巴士只係一蚊咋！但係去沙田既巴士跟本就唔關你事，事關你要去既係天水圍。係上面既比喻入面，去天水圍既路就好似成君子之道咁，你要去既係天水圍，就算去沙田既巴士唔洗錢，你都唔會去啦，所以兩者其實係無抵觸到。

成德之道既追求係獨立自足，不假外求既。孔子講無怨，就係因為孔子已經放平左德性以外既客觀限制（放平並非放下），從而面對一切而心無半點怨恨,”君子謀道不謀食，憂道不憂貧”就是這個意思吧？